Hola, llámome Emma y doite la bienvenida al mio primer blog. Nací en Xixón, ciudá onde vivo anguaño, anque teo l'anhelu de dir vivir algún día a una casina vieya de pueblu pa vivir n'esti espaciu verde col que nos brinda la vida Asturies -además, ya que tán quedando despoblaos, habrá que facer daqué porque sigan existiendo el mayor tiempu posible, que pa eso son tan guapos-.
N'anguaño me dedico a varies coses. Toi faciendo un cursu sobre xéneru (feminismu y derivaos) y me paez un tema mui interesante dada la diferencia sociocultural qu'esiste ente muyeres y homes.
Por otru llau trabayo como voluntaria dentro de un grupu scout, al que pertenezco dende los 6 años, y agora toi n'ún momentu de dedicación mui importante. Los scouts son parte de la mio vida, y si quies saber lo que son los scouts (nun somos ningún exércitu como pue creese al traviés de ver películes americanes) entruga a alguien que lo haya vivido, ye la meyor opción. Tamién pues metete en www.quieroserscout.com y acceder a información variada.
Y bueno, como no, encántame dir al cine, escuchar música, viaxar (ente los países a los que viaxen tan Dinamarca, Francia, Suiza...) y conocer otros llugares y cultures, lleer llibros de too tipu, lo típico vaya, pero colo que disfruto muncho. Y otra cosina importante, préstame falar n'asturianu (como ya pues ver), préstame Asturies y la so hestoria, y la música n'asturianu.
P'acabar voi contante porqué m'apunte al cursu. En principiu porque me lu recomendó alguien que lu fizu la vez anterior, y por otru llau, porque'l tema de les nueves tecnoloxíes paezme mui interesante pa trabayar nel mundu de la educación, que ye a lo que quiero dedicame.
Y esta soi yo en Middelfart, un pueblu de Dinamarca